Уйғур районида йеңидин 4 айродром қурулған

Мухбиримиз җәвлан
2021-02-03
Share

Хитай шинхуа ториниң 3-феврал елан қилған хәвиридин мәлум болушичә, өткән бәш йилда йәркән, чақилиқ, керийә, тумшуқ қатарлиқ шәһәр вә наһийәләрдә йеңидин 4 айродром қурулуп ишқа кириштүрүлгән. Шуниң билән уйғур районидики айродромларниң сани 22 гә йәткән. Униңдин башқа, җәнуб вә шималдики 4 айродромни кеңәйтиш қурулуши тамамланған. Үрүмчини мәркәз қилған бу айродромлар "бошлуқтики йипәк йолиниң дәсләпки қәдәмдә шәкиллиниши" дәп тәшвиқ қилинған. Хитай йәнә кәлгүси 5 йилда 15 айродром қуруп, пүтүн уйғур районидики "пуқралар айродроми" ни 37 гә йәткүзмәкчи икән.

Анализчиларниң қаришичә, хитайниң юқириқи наһийә вә шәһәрләргә зор мәбләғ селип айродром қуруши ичкири хитайдин бу җайларға адәм йөткәш вә уйғур районидин ичкири хитайға қул ишчи йөткәш һәмдә җиддий вәзийәткә тақабил туруш үчүн әскәр йөткәшкә қолайлиқ яритиш үчүн икән. Бу хил ул әслиһә қурулушлири йәнә хитай һөкүмитиниң уйғур районини база қилип оттура асия вә ғәрбий асияға кеңәймчилик қилиш ғәризиниң барлиқини көрситип беридикән. Хитай һөкүмити йәнә айродром қуруш җәрянида йәрлик аһалиләрниң земинини тартивелиш, нопусни тарқақлаштуруш, көчмән нопусларни йәрләштүрүш вә бу арқилиқ уйғурларниң топлишип олтурақлишиш вәзийитигә хатимә беришниму пиланлимақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт