Uyghur rayonida yéngidin 4 ayrodrom qurulghan

Muxbirimiz jewlan
2021-02-03
Share

Xitay shinxu'a torining 3-féwral élan qilghan xewiridin melum bolushiche, ötken besh yilda yerken, chaqiliq, kériye, tumshuq qatarliq sheher we nahiyelerde yéngidin 4 ayrodrom qurulup ishqa kirishtürülgen. Shuning bilen Uyghur rayonidiki ayrodromlarning sani 22 ge yetken. Uningdin bashqa, jenub we shimaldiki 4 ayrodromni kéngeytish qurulushi tamamlan'ghan. Ürümchini merkez qilghan bu ayrodromlar "Boshluqtiki yipek yolining deslepki qedemde shekillinishi" dep teshwiq qilin'ghan. Xitay yene kelgüsi 5 yilda 15 ayrodrom qurup, pütün Uyghur rayonidiki "Puqralar ayrodromi" ni 37 ge yetküzmekchi iken.

Analizchilarning qarishiche, xitayning yuqiriqi nahiye we sheherlerge zor meblegh sélip ayrodrom qurushi ichkiri xitaydin bu jaylargha adem yötkesh we Uyghur rayonidin ichkiri xitaygha qul ishchi yötkesh hemde jiddiy weziyetke taqabil turush üchün esker yötkeshke qolayliq yaritish üchün iken. Bu xil ul eslihe qurulushliri yene xitay hökümitining Uyghur rayonini baza qilip ottura asiya we gherbiy asiyagha kéngeymchilik qilish gherizining barliqini körsitip béridiken. Xitay hökümiti yene ayrodrom qurush jeryanida yerlik ahalilerning zéminini tartiwélish, nopusni tarqaqlashturush, köchmen nopuslarni yerleshtürüsh we bu arqiliq Uyghurlarning topliship olturaqlishish weziyitige xatime bérishnimu pilanlimaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet