Xitay hökümiti bu yil Uyghur aptonom rayonida 10 ayrodrom qurulushigha meblegh ajratqan

Muxbirimiz erkin
2020-03-20
Share

Xitay hökümitining bu yil Uyghur aptonom rayonida 10 ayrodrom qurulushigha 3 milyard 190 milyon yüen meblegh ajratqanliqi melum boldi.

Amérikadiki "Yoluchi" namliq torning ashkarilishiche, xitayning mezkur qurulushi uning gherbiy-shimaldiki bu rayon bilen hawa alaqisini kücheytish shundaqla mezkur rayonni hawa qatnash merkizige aylandurush pilanining bir parchisi iken.

Xitay hökümiti 2017-yili bashlan'ghan chong tutqunda 3 milyondek Uyghur, qazaq we bashqa musulmanlarni lagérlargha qamash bilen bir waqitta, rayonning ul esliheler qurulushigha köplep meblegh sélishqa bashlighan. Uning bir tereptin Uyghurlarni tutqun qilip, "Éshincha emgek küchliri" namida bashqa rayonlargha yötkishi, yene bir tereptin ul eslihelerge köplep meblegh sélip, rayonning ichkiri ölkiler bilen bolghan hawa, tömüryol we tashyol qatnishini torlashturushi xitayning meqsitige qarita gumanliq so'allarni peyda qilip kelgen idi.

"Yoluchi" torining bildürüshiche, "Shinjang ayrodrom guruhi" bu mebleghning turpan, tashqorghan, guchung, bayinbulaq, barköl qatarliq jaylardiki yéngi ayrodrom qurulushigha, qeshqer, aqsu, ghulja, kériye, mongghulküre qatarliq jaylardiki mewjut ayrodromlarning kéngeytilish qurulushigha serp qilinidighanliqini bildürgen. "Shinjang ayrodrom guruhi" aqsu we ghulja ayrodromlirining yéngi términal qurulushi bu yil 7 we 8-aylarda pütüp, ishqa kirishidighanliqi, tashqorghan we turpan ayrodromining qurulushi 4 we 6-aylarda bashlinidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet