Xitay Uyghur diyaridiki ayrodromlarni téz köpeytmekte

Muxbirimiz méhriban
2017-04-11
Share

“Tengritagh tori”da 11-aprél tarqitilghan xewerde 10-aprél küni yeken ayrodromining asasiy qurulushining tamamlinip, 7-ayda mezkur ayrodromda awi'atsiye toshush mulazimitining bashlinidighanliqini we yeken ayrodromning Uyghur aptonom rayonidiki 19-toshush ayrodromi ikenliki bildürüldi.

Xewerde yene bulturdin buyan “Hawadiki yipek yoli”qurulushi pilanigha asasen Uyghur diyarida eslidiki kona ayrodromlarni kéngeytish, yéngidin yük toshuydighan ayrodromlarni yashash qurulushi élip bérilghanliqi tilgha élin'ghan.

Melum bolushiche, da'irilerning 14 toshush ayrodromini qurush pilanigha hazirgha qeder yéngidin kéngeytip qurush bashlan'ghan ürümchi, qeshqer, aqsu, ghulja, xoten, korla,chöchek, altaydiki kona ayrodromlar kiridiken. Bulardin bashqa yene künes, kériye, tashqorghan qatarliq jaylardiki ayrodrom qurulushlirini bu yil ichide tamamlash, shixu herbiy we puqralar ayrodromi,qobuqsar ayrodromi, jündong (chitey)ayrodromi, bayinbulaq, barköl, alar ayrodrom qurulushlirini tézlitish pilani tilgha élin'ghan. Eng muhim qurulushlardin biri ürümchi xelq'ara ayrodromini kéngeytip qurush hésablinidiken.

Xitay hökümet taratqulirida Uyghur diyaridiki ayrodromlarni kéngeytish we yéngidin ayrodrom yasash qurulushining yoluchi toshush we yük toshushqa qulayliq yaritishni meqset qilin'ghanliqi tekitlen'gen.Emma xitay weziyitini közetküchiler we chet'ellerdiki Uyghur pa'aliyetchiliri Uyghur diyarida dawamlishiwatqan ayrodrom qurulushining xitayning rayon bixeterliki üchün herbiy yötkesh ishlirini qulaylashturush meqsitimu barliqini tehlil qilmaqta.

Bu yil 14-féwral xoten guma nahiyiside yüz bergen pichaqliq hujum weqesidin kéyin, 28-féwral etigende ürümchide 10 ming kishilik qoralliq manéwir ötküzüp, chüshtin kéyin ürümchidiki herbiy manéwirgha qatnashqan xitay eskerliridin nechche ming kishining qeshqer kochilirida méngip xelqqe küch körsetkenliki heqqidiki xewerlerde xitay eskerlirining ayropilan arqiliq qeshqerge eng téz sür'ette yötkep bérilghanliqi tilgha élin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet