Xitay ishlepchiqirish-qurulush armiyesining "13-Besh yilliq pilan programmisi" ni élan qildi

Muxbirimiz qutlan
2016-05-16
Élxet
Pikir
Share
Print

Bingtu'en xewer toridin melum bolushiche, 12-may küni xitayning Uyghur élidiki ishlepchiqirish-qurulush armiyesi axbarat élan qilish yighini ötküzüp, "13-Besh yilliq pilan programmisi" ni élan qilghan.

Mezkur programmida "13 Besh yilliq pilan" mezgilide bingtu'enning iqtisadiy tereqqiyatini otturidin yoqiri ösüsh sewiyeside, yeni yiligha 9% lik ösüsh nisbitini saqlash, 2020-yiligha barghanda ishlepchiqirish omumiy qimmitini 33 milyard somgha yetküzüsh pilanlan'ghan.

"Programma" da yene "13-Besh yilliq pilan" mezgilidiki bingtu'enning tereqqiyat idiyesi heqqide mundaq 4 türlük istratégiyilik orunlashturush otturigha qoyulghan: "Shinjangning ijtima'iy muqimliqini qoghdap, uzaq mezgillik eminlikini ishqa ashurushni omumiy meqset qilish, yéngi tereqqiyat uqumini izchillashturushni asasiy liniye qilish, iqtisadiy güllinish bilen puqralar turmushini yaxshilashni asas qilish, yipek yoli iqtisadiy belwéghi élip kelgen pursetni ching tutup, bingtu'enning jenubiy shinjangdiki tereqqiyatini nuqta qilishtin ibaret."

Melumki, bingtu'en xitay kompartiyesining Uyghur élini uzaqqiche idare qilish we xitayning gherbiy-shimal chégra bixeterlikini kapaletke ige qilishni meqset qilghan yérim eskiriy, yérim memuriy apparatidur.

Közetküchiler bilen siyasiy analizchilar, bingtu'enning "13-Besh yilliq pilan" mezgilidiki eng muhim istratégiyesining yadrosini Uyghur élining muqimliqini saqlash bilen jenubiy Uyghur éligha kéngiyishke qaratqanliqigha diqqet qilmaqta.

Toluq bet