Bingtu'en 2- déwiziyesi teklimakanning jenubiy girwikide 15 ming mo térilghu yer achidighanliqini élan qilghan

Muxbirimiz qutlan
2016-08-22
Élxet
Pikir
Share
Print

Xitayning Uyghur élida turushluq ishlepchiqirish-qurulush armiyesining 2-déwiziyesi teklimakanning sherqiy jenubi girwikide 15 ming mo qumluqni tizginlep térilghu yerge aylanduridighanliqini élan qilghan.

Xitay xewer torining bu heqtiki mexsus xewirige qarighanda, bingtu'enning 2-déwiziyesige qarashliq 37-polki 10 milyon somdin artuq meblegh sélip 15 ming mo qumluqni tizginligenlikini, hazir 5500 mo yerni térighili bolidighanliqini ilgiri sürgen.

Melum bolushiche, bingtu'enning 2-déwiziyesi bayin'gholin aptonom oblastigha jaylashqan bolup, uninggha qarashliq 12 polk bar iken. 2-Déwiziyening köpligen polkliri lopnur nahiyesi bilen chaqiliq nahiyesi ariliqida bolup, bu rayonda lopnur, kroren we miren qatarliq qedimki tarim medeniyitining parlaq izliri jaylashqan.

Tarixta tarim deryasining töwen éqimi lopnur köligiche éqip bérip, u yerdin qumluqqa singip kirip, teklimakan chölining sherqiy jenubi girwikidiki bostanliqlarning mewjutluqini kapaletlendürüp kelgen idi. Halbuki, bingtu'enning bu rayonda toghraqliqlarni qalaymiqan késip, hessilep boz yer échishi netijiside ötken esirning 70-yillirigha kelgende tarim deryasining töwen éqimi üzülüp qalghan. Buning bilen lopnur kölimu qurup ketken.

Bingtu'en 2-déwiziyesining lopnur kölining qurup kétishidek bu muhit paji'esidin qilche sawaq almay rayonda dawamliq boz yer échishi muhit mutexessisliride küchlük endishe peyda qilmaqtiken.

Toluq bet