Xitay hökümiti bingtu'en'ge 300 milyon somdin artuq meblegh salmaqchi

Muxbirimiz eziz
2020-05-19
Élxet
Pikir
Share
Print

"Xitay xewerliri tori" ning xewirige qarighanda, xitay merkiziy hökümiti yéqinda Uyghur diyaridiki bingtu'en sistémisining yuqiri ölchemlik térilghu étiz qurulushini tereqqiy qildurushi üchün 300 milyon som ajritip béridighanliqini bildürgen.

Xewerde éytilishiche, yuqiri ölchemlik étiz qurulushi dégende yer tüzülüshi tekshi bolush, sughirish we bashqa esliheliri zamaniwilashqan bolush, tupraqning munbetliki yaxshi bolush, mehsulat miqdari yuqiri bolush dégendek bir qatar shertlerni hazirlighan térilghu yerler közde tutulidiken.

Ötken besh yil mabeynide xitay merkizi hökümiti bingtu'en sistémisigha milyardlighan miqdarda ghayet zor meblegh sélip kéliwatqan bolup, bu qétimqi sélinma ene shularning kichikkine bir qismi hésablinidiken.

Analizchilar bu heqte pikir qilip, buning xitay da'iriliri yillardin buyan ijra qilip kéliwatqan "Bingtu'enning hoquqini we tesirini zoraytish arqiliq Uyghur aptonom rayonining nopuzini cheklesh" tedbirining bir qismi ikenlikini körsetti.

Toluq bet