Тумшуқ шәһиридә биңтуәнниң айродроми җиддий ясалмақта

Мухбиримиз әзиз
2018-06-01
Елхәт
Пикир
Share
Принт

Бир қисим мутәхәссисләр «дөләтниң ичидики дөләт» дәп аташқа адәтләнгән биңтуән системисиниң йеқинда арқа-арқидин айродром қурулушиға мәбләғ аҗритиватқанлиқи мунасивәтлик саһәләрниң диққитини қозғимақта.

«Хитай хәвәрлири» ториниң 1-июндики хәвиридә ейтилишичә, йеқинда тамамланған шихәнзә шәһиридики айродромдин кейин, биңтуән қатнаш идариси тумшуқ шәһиридә йәнә бир чоң айродромниң җиддий ясиливатқанлиқини, униң 2018-йили 10-айда айропилан қатнишини башлайдиғанлиқини билдүргән.

Хәвәрдә ейтилишичә, тумшуқ шәһәрлик айродром дөләт ичигә қаритилған пуқралар мулазимитидики айродром болуп, зөрүр тепилғанда қатнаш-тирансипорти вә һәрбий ишлар үчүнму ишлитилидикән. Шуниң билән биргә биңтуән йеқинда тамамлиған иккинчи айродром һесаблинидикән.

Мәзкур айродром қурулуши 2016-йили 3-айда башланған болуп, «биңтуәнниң әң муһим қатнаш муәссәсилириниң бири» дәп қариливатқанлиқи мәлум. Бу айродром пүткәндә тумшуқтин үрүмчи, қәшқәр, хотән, корла қатарлиқ җайларға қатнайдиған һава йоллири ечилидикән.

Уйғур паалийәтчиләр бу һәқтә пикир қилип, «хитай һөкүмити изчил һалда ‹уйғурлар дияридики муқимлиқниң капалити' дәп қарап келиватқан биңтуәнниң айродром ясиши хәлққә хизмәт қилиштин көрә биңтуәнниң күчини ашурушни мәқсәт қилған. Бо болса уйғур дияридики қаттиқ контроллуққа хизмәт қилишни нишан қилиду,» дейишмәктә.

Пикирләр (0)
Share
Толуқ бәт