Tumshuq shehiride bingtu'enning ayrodromi jiddiy yasalmaqta

Muxbirimiz eziz
2018-06-01
Élxet
Pikir
Share
Print

Bir qisim mutexessisler "Döletning ichidiki dölet" dep atashqa adetlen'gen bingtu'en sistémisining yéqinda arqa-arqidin ayrodrom qurulushigha meblegh ajritiwatqanliqi munasiwetlik sahelerning diqqitini qozghimaqta.

"Xitay xewerliri" torining 1-iyundiki xewiride éytilishiche, yéqinda tamamlan'ghan shixenze shehiridiki ayrodromdin kéyin, bingtu'en qatnash idarisi tumshuq shehiride yene bir chong ayrodromning jiddiy yasiliwatqanliqini, uning 2018-yili 10-ayda ayropilan qatnishini bashlaydighanliqini bildürgen.

Xewerde éytilishiche, tumshuq sheherlik ayrodrom dölet ichige qaritilghan puqralar mulazimitidiki ayrodrom bolup, zörür tépilghanda qatnash-tiransiporti we herbiy ishlar üchünmu ishlitilidiken. Shuning bilen birge bingtu'en yéqinda tamamlighan ikkinchi ayrodrom hésablinidiken.

Mezkur ayrodrom qurulushi 2016-yili 3-ayda bashlan'ghan bolup, "Bingtu'enning eng muhim qatnash mu'essesilirining biri" dep qariliwatqanliqi melum. Bu ayrodrom pütkende tumshuqtin ürümchi, qeshqer, xoten, korla qatarliq jaylargha qatnaydighan hawa yolliri échilidiken.

Uyghur pa'aliyetchiler bu heqte pikir qilip, "Xitay hökümiti izchil halda 'Uyghurlar diyaridiki muqimliqning kapaliti' dep qarap kéliwatqan bingtu'enning ayrodrom yasishi xelqqe xizmet qilishtin köre bingtu'enning küchini ashurushni meqset qilghan. Bo bolsa Uyghur diyaridiki qattiq kontrolluqqa xizmet qilishni nishan qilidu," déyishmekte.

Toluq bet