Уйғур елидә турушлуқ биңтуән йәнә җәмийәттин 1277 нәпәр адәм қобул қилидикән

Мухбиримиз ирадә
2020-07-14
Share

Хитайниң уйғур елидә турушлуқ ишләпчиқириш-қурулуш армийәси биңтүән йеқиндин буян көпләп ишчи-хизмәтчи қобул қилип, ичкири өлкиләрдин уйғур елигә адәм йөткәшкә зор күч сәрп қилмақта. Хитайниң «шинҗаң гезити» тарқатқан хәвиридин қариғанда, биңтуән бу йил йәнә җәмийәттин 1277 нәпәр мәмурий хадим қобул қилидикән.

Нөвәттә «биңтүән» уйғурлар зич олтурақлашқан җәнубий районларға кеңийишни йолға қоюватқан болуп, у ичкири хитайдин көпләп адәм йөткәшни тезләтмәктикән.

Нөвәттә университетларни пүттүргән алий мәктәп оқуғучилири хизмәт издәватқан мәзгил болғанлиқтин уйғур елидики һәрқайси һөкүмәт орунлири вә хусусий карханиларниң буни хитай өлкилиридин уйғур елигә адәм йөткәш үчүн пурсәткә айландуруватқанлиқи мәлум. Техи йеқинда хитай дөләт рәиси ши җинпиң өзи биваситә хитай нефит университетиниң қарамайдики шөбисини пүттүргән алий мәктәп оқуғучилириға хәт йезиш арқилиқ уларниң уйғур елидә қелишни таллиғанлиқини мәдһийилигән вә нәтиҗидә хитайдики алий мәктәпләрдә «ши җинпиң хетиниң роһини өгиниш, тарихий бурчни зиммисигә елип шинҗаңда йилтиз тартиш» тин ибарәт чақириқ қозғалған.

Уйғур район даирилири хитай өлкилиридики алий мәктәп оқуғучилирини яхши хизмәт вә имтиязлар билән уйғур елидә йилтиз тартишқа җәлп қиливатқан бир мәзгилдә, улар йәнә уйғур елидә йеза-қишлақларда кишиләрниң «ишик алдидила хизмәткә орунлаштуруш» бойичә һәрхил кийим-кечәк, тоқумичилиқ вә қураштуруш дегәндәк завутларда ишқа орунлаштурулуватқанлиқини тәшвиқ қилмақта. Бирақ, бу хилдики «ишик алдидила ишқа орунлаштуруш» сиясити чәтәлләрдики көзәткүчиләр тәрипидин асасән уйғур қатарлиқ йәрлик хәлқләрниң әрзан әмгә күчи сүпитидә мәҗбурий әмгәккә тутулуши, дәп баһаланмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.