Даррән байләр: уйғурлар чағанда тешида күлүп, ичидә йиғлаватиду

Мухбиримиз шөһрәт һошур
2018-02-26
Елхәт
Пикир
Share
Принт

Уйғур вәзийити анализчилиридин америкилиқ тәтқиқатчи даррән байләр алдинқи күни бир мақалә елан қилип, уйғурларниң бу йиллиқ чаған мәзгилидә тешида күлүп ичидә йиғлаватқанлиқини оттуриға қойған.

Аптор мақалисидә хитайниң уйғур районидики чағанлиқ паалийәтлири һәққидики видийо вә рәсимләр үстидә мулаһизә йүргүзүп, көрүнүштики кәйпиятниң пүтүнләй сүний икәнлики, уйғурларниң бу йиллиқ чаған паалийәтлиригә мәҗбурий қатнаштурғанлиқини илгири сүргән.

Уйғур вәзийитини йеқиндин көзитип келиватқан бу аптор, уйғурларниң чағанда панус есиш, хитайчә хәтләр билән ишик безәш вә җувава йейишкә мәҗбурланғанлиқи, әгәр буни қилмиса йепиқ тәрбийә лагериға әкетилиш хәвпигә дуч кәлгәнликини баян қилған.

Хитайниң өткән йилларда уйғурларға қарита йолға қойған рамизан чәклимилирини әслитип өткән даррән байләр бу мақалида баян қилишичә, хитай бу қетимқи чаған паалийәтлирини, уйғурларниң хитай дөлитигә болған садақитини синайдиған бир имтиһан мәйдани сүпитидә қолланған.

Мақалисидә уйғур паалийәтчилириниң тәсиратлириғиму орун бәргән даррән байләр, қизил рәңгә пүркәнгән чағанлиқ көрүнүшләр үстидә мундақ пикир баян қилған: «бу хитай дөләт террориниң хәнзу атидарчилиқ көрүнүши билән пәрдазлиниши», «бу уйғур җәмийитиниң пүтүнләй тәһдит астида икәнликиниң тәсвири».

Аптор даррән байләр бу мақалисини өзиниң «оттура асияниң сәнәт һаяти намлиқ» блогида елан қилған.

Пикирләр (0)
Share
Толуқ бәт