Хитай даирлири уйғур елидә шәһәр базарлардики чеқип ташланған 1635 кона мәһәллә вә орунда қурулуш башлиған

Мухбиримиз әркин
2020-11-02
Share

Хитай даирлири уйғур елиниң һәр қайси шәһәр базарлирида чеқип ташланған 1635 кона мәһәллә вә орунда қурулуш башлиған. Хитай һөкүмити бу қурулушниң райондики "кона мәһәллә вә орунларни өзгәртип, хәлқ турмушидики йитәрсизликләрни толуқлайдиғанлиқи" ни илгири сүрүп кәлгән болсиму, лекин бу уйғурларниң тәнқид қилишиға учрап кәлгән. Уларниң тәкитклишичә, бу қурулушниң мәқсити әнәниви уйғур мәһәллә вә районлирини бузуп, мәһәллә асасида шәкилләнгән уйғур иҗтимаий алақә торини вәйран қилиш, бу арқилиқ уларни техиму үнүмлүк контрол қилиш икән.

Хитай һөкүмити 2019-вә 2020-йиллири "өзгәртип қуруш" намида уйғур елиниң һәр қайси шәһәр-базарлиридики 1892 кона мәһәллә вә районни чеқип ташлиған. Бу қурулуш үрүмчи, ғулҗа, ақсу, кучар, хотән қатарлиқ җайларда синақ тәриқисидә башланғаниди. "шинҗаң гезити" ниң 2-ноябир хәвәр қилишичә, нөвәттә райондики чеқип ташланған кона мәһәллә вә орунниң 1635 дә қурулуш башланған.

Мәлум болушичә, хитай даирлириниң пилани район миқясидики 5000 кона мәһәллә вә орунни өзгәртип қуруш болуп, бу 750 миң аилигә четилидикән. Хитай һөкүмити 2017-йили башланған тутқунда милйонлиған уйғурни түрмә, лагерларға қамаш билән биргә, уйғур мәдәнийити әкис әткән қурулуш вә орунларни чеқип ташлашқа яки өзгәртишкә башлиған. Бу җәрянда он миңлиған уйғур озлириниң әвладму-әвлад яшап кәлгән мәһәллә, йеза вә кәнтлиридин көчүрүлгәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт