Xitay da'irliri Uyghur élide sheher bazarlardiki chéqip tashlan'ghan 1635 kona mehelle we orunda qurulush bashlighan

Muxbirimiz erkin
2020-11-02
Share

Xitay da'irliri Uyghur élining her qaysi sheher bazarlirida chéqip tashlan'ghan 1635 kona mehelle we orunda qurulush bashlighan. Xitay hökümiti bu qurulushning rayondiki "Kona mehelle we orunlarni özgertip, xelq turmushidiki yitersizliklerni toluqlaydighanliqi" ni ilgiri sürüp kelgen bolsimu, lékin bu Uyghurlarning tenqid qilishigha uchrap kelgen. Ularning tekitklishiche, bu qurulushning meqsiti en'eniwi Uyghur mehelle we rayonlirini buzup, mehelle asasida shekillen'gen Uyghur ijtima'iy alaqe torini weyran qilish, bu arqiliq ularni téximu ünümlük kontrol qilish iken.

Xitay hökümiti 2019-we 2020-yilliri "Özgertip qurush" namida Uyghur élining her qaysi sheher-bazarliridiki 1892 kona mehelle we rayonni chéqip tashlighan. Bu qurulush ürümchi, ghulja, aqsu, kuchar, xoten qatarliq jaylarda sinaq teriqiside bashlan'ghanidi. "Shinjang géziti" ning 2-noyabir xewer qilishiche, nöwette rayondiki chéqip tashlan'ghan kona mehelle we orunning 1635 de qurulush bashlan'ghan.

Melum bolushiche, xitay da'irlirining pilani rayon miqyasidiki 5000 kona mehelle we orunni özgertip qurush bolup, bu 750 ming a'ilige chétilidiken. Xitay hökümiti 2017-yili bashlan'ghan tutqunda milyonlighan Uyghurni türme, lagérlargha qamash bilen birge, Uyghur medeniyiti ekis etken qurulush we orunlarni chéqip tashlashqa yaki özgertishke bashlighan. Bu jeryanda on minglighan Uyghur ozlirining ewladmu-ewlad yashap kelgen mehelle, yéza we kentliridin köchürülgenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet