Xelq'ara kechürüm teshkilati Uyghurlarning diniy erkinlikini qollash üchün iptar ziyapiti berdi

Muxbirimiz irade
2014-07-10
Élxet
Pikir
Share
Print

Xelq'ara kechürüm teshkilati xitay hökümitining Uyghurlargha qoyghan ramizan cheklimisige naraziliq bildürüsh üchün mexsus iptar ziyapiti berdi. 9-Iyul küni kechte amérika paytexti washin'gtonda ötküzülgen iptar ziyapitige Uyghur milliy herikiti rehbiri rabiye qadir xanim alahide méhman süpitide teklip qilindi.

Xelq'ara kechürüm teshkilati washin'gton ishxanisining mudiri t. Kumar bashchiliqida we herqaysi bashqa kishilik hoquq organlirining wekilliri we Uyghur jama'itining qatnishishi bilen ötküzülgen iptar ziyapitide xitay hökümitining Uyghur musulmanlirining dini étiqadigha qiliwatqan buzghunchiliqi tenqid qilindi.

Xelq'ara kechürüm teshkilati pa'aliyet munasiwiti bilen élan qilghan bayanatida hazir xitayda ziyarette boluwatqan amérika dölet ishliri ministiri jon kérriyni ikki terep söhbitide Uyghurlarning mesilisini otturigha qoyushqa chaqirdi. Ular bayanatida noxtiliq halda Uyghurlarning ramizanliq ibadetlirining tosqunluqqa uchrash mesilisi üstide toxtilip, "Ministir jon kerri bu mesilini xitay hökümiti bilen bolghan söhbette biwasite otturigha qoyushi kérek. Xitaydiki mezgilide Uyghurlarning meschitlirini ziyaret qilishi kérek. Eger undaq qilmaydiken, amérika xitayning bundaq cheklimilirige perwa qilmaydighanliqidek xata chüshenche bérip qoyidu" dégen.

Toluq bet