"Millet" géziti xitayni Uyghurlarning ichki ishlirigha arilashmasliqqa chaqirdi

Muxbirimiz eziz
2018-09-04
Élxet
Pikir
Share
Print

Xitay hökümitining Uyghurlarni basturushta islam dinini muhim nishanlarni biri qilishi ottura sherq rayonida tedrijiy bilinishke bashlidi. Ereb birleshme xelipilikide neshr qilinidighan "Millet" gézitining 3-séntebir sanida élan qilin'ghan sholto bayrnés imzasidiki bash maqalini ene shundaq yéngi yüzlinishning bir inkasi déyish mumkin.

Melum bolushiche, xitay döliti bilen musulman döletliri otturisida uzundin buyan izchil emel qilinip kelgen bir qa'ide bolup, buningda "Qarshi terepning ichki ishlirigha arilashmasliq" herqachan tekitlinip kelgen. Emma xitay hökümitining ötken birnechche yilda Uyghurlar diyaridiki islam dinigha munasiwetlik pa'aliyetlerni men'i qilishi, bolupmu ramizan rozisi tutush, saqal-burut qoyushtek eqelliy islamiy pa'aliyetlerningmu "Esebiylik" ke baghlinishi, emdilikte bolsa bir milyondin artuq Uyghurning lagérlargha qamilishi, ularning bir qismining hetta "Essalamu'eleykum eleykum" dep salamlishishi seweblik mushu lagérlargha mehkum bolushi nöwette "Bashqilarning ichki ishlirigha arilashqanliq" dep qaralmaqta iken.

Maqalida xitay hökümiti bu ehwallarni inkar qilip kéliwatqan bolsimu, b d t élan qilghan doklatlar we bashqa uchurlarning Uyghurlar duch kéliwatqan diniy basturushning chinliqini testiqlawatqanliqi körsitilidu, shuningdek xitay hökümitining "Üch xil küchler" ge zerbe bérishni bahane qilip, pütkül Uyghur millitini basturush obyékti qilishtek "Ichki ishlargha arilishish qilmishi" eyiblinidu.

Melum bolushiche, xitay re'isi shi jinping iyul éyida ereb birleshme xelipilikide resmiy ziyarette bolghan hemde ikki terep otturisida 50 milyard amérika dolliriliq soda toxtami imzalan'ghan idi.

Toluq bet