Хитайниң "ғәрбниң енергийәсини шәрққә йөткәш" линийәсидә йеңи рекорт яритилған

Мухбиримиз әркин
2021-03-23
Share

Хитай бу йил қиш пәслидә уйғур елиниң тәбиий газ вә йеңи електир ениргийәсини шәрқтики хитай өлкә-шәһәрләргә йөткәштә йеңи рекорт яратқан. Көзәткүчиләрниң билдүрүшичә, бу хитайниң енергийәдә уйғур елиға болған тайиниши техиму күчийиватқанлиқини күрситидикән.

"шинхуа тори" ниң 21-март бәргән хәвиридин қариғанда, хитайниң "җоңго нефит шеркити" гә қарашлиқ тарим нефитлики өткән йили 11-айдин бу йил 3-айғичә болған қиш пәслидә хитайниң шәрқидики 15 өлкә, 120 шәһәрни 12 милярд 760 милйон куп метир газ билән тәминлигән.

Бу юқириқи өлкә вә шәһәрләрдики 400 милйон аһалә вә 3000 дәк завутни өз ичигә алидикән. "шинхуа тори" ниң хәвиридә бу мәзгил ичидә тәбиий газ билән тәминләшниң алдинқи йилидикидин бир милярд 236 милйон куп метир артқанлиқи, тарим нефитликиниң һәр күни 90 милйон куп метирдин артуқ газ ишләпчиқарғанлиқини билдүргән. Охшаш бир вақитта йәнә шамал вә қуяш енергийәсидә ишләпчиқирилған йеңи електир енергийәсини йөткәш салмиқиму артқан. "шинхуа тори" ниң билдүрүшичә, йеқинқи 10 йилда җәмий 100 милярд киловат саәттин артуқ ток 4 линийә арқилиқ хитайниң шәрқидики 20 дәк өлкә-шәһәргә йолланған.

Мәлум болушичә, хитайға өткән йил бир йил ичидә йолланған йеңи електир ениргийәси 267 милярт 600 милйон киловат саәткә йәткән. Бирақ йеңи енергийә хитайға йолланған омумий електир токиниң аз қисмини тәшкил қилған болуп, көмур еликтир енергийәси йәнила асаси салмақни игилигән. Хитай енергийә министирлиқи техи бу йилниң башлири уйғур елида йәнә 6 көмур електир истансиси қурушни тәстиқлиған. Көзәткучиләрниң ейтишичә, хитай уйғурларға "ирқий қирғинчилиқ" йүргүзүп, хәлқара имбаргоға учраватқан бу районда комур електир истансисилири еғир муһит мәсилиси пәйда қилмақта икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт