Korla shehride "Haraq ichish boyiche terbiyelesh bazisi" qurulghan

Muxbirimiz erkin
2020-09-25
Élxet
Pikir
Share
Print

Uyghur diyarining korla shehridiki bir résturanda yerlik da'iriler teripidin haraq ichish boyiche terbiyelesh bazisi qurulghan. Korlidiki mezkur haraq ichish boyiche terbiyelesh bazisigha alaqidar bir resim chet'el ijtima'iy taratqulirida keng tartilip, ghulghula qozghidi. Buning xitay hökümiti Uyghurlarning tili, mediniyiti, örp-adet we diniy étiqadini cheklep, ularni diniy étiqadi, örp-aditi we medeniyitige xilap ishlarni qilishqa mejburlash, ulargha qarita "Irqiy qrighinchiliq" élip bérish bilen eyibliniwatqan mezgilde otturigha chiqishi alahide diqqet qozghap, ijtima'iy taratqularda bumu xitay "Medeniyet qirghinchiliqining birqismi", dep eyiblen'gen.

Erkin asiya radiyosi xitay bölümining xewer qilishiche, téng femililik bir xitay puqrasi, "Haraq ichish islam dinida cheklensimu, lékin shinjangda haraq ichmeslik ashqunluqning ipadisi, dep qarilidu. Shunga haraq ichmeydighanlarda haraq ichish aditini yétildürüp, ularning örp-aditini özgertish üchün korla shehride bu baza quruldi" dégen. Uning qeyt qilishiche, bu bazining qurulush meqsiti "Uyghurlarning örp-adetlirini özgertish iken".

Melum bolushiche "Haraq ichish boyiche terbiyelesh bazisi" ning élanida yashan'ghanlargha, herbiyler we taziliq ishchilirigha bahada étiwar bérilidighanliqi tekitlen'gen. Dunya Uyghur qurultiyi bayanatchisi dilshat rishit, "Haraq ichish boyiche terbiyelesh baziliri" ning xitay ölkiliride allaburun cheklen'genlikini, lékin Uyghur diyarida uning "Hökümetke hemkarliship, étiqadni pütünley yoqutishtek siyasi wezipige maslishiwatqanliqi" ni bildürdi.

Toluq bet