Uyghur rayonida hawa mudapi'e güdüki chélinidu

Muxbirimiz jüme
2017-09-16
Élxet
Pikir
Share
Print

Uyghur rayonida bir xil wehime höküm sürüwatqan peytte, rayondiki asasliq sheherlerning hemmiside birla waqitta atalmish hawa mudapi'e güdüki - yeni tréwoga chélinidighanliqi élan qilindi.

"Tengritagh tori" ning xewer qilishiche, güdük bu yil 18-séntebir ürümchi waqti chüshtin burun sa'et 10 da chélinidiken.


Güdük ürümchi, sanji, shixenze, küytun, qaramay, ghulja, korla, chöchek, qumul, turpan, aqsu, qeshqer, bortala, xoten, atush, altay, shixu qatarliq sheherlerde birla waqitta chélinidiken.

Xewerge qarighanda, güdük "Agahlandurush güdüki", "Hawa hujumi güdüki", "Axirlashturush güdüki" dep uch bölekke bölünüp jem'iy 9 minut etrapida chélinidiken.

Xewerde "Omum xelq ammisining hawa mudapi'e güdüklirini perqlendürüsh iqtidarini östürüsh üchün" mezkur sinaqni élip baridighanliqi bildürülgen bolsimu, bu nöwetlik güdük siniqining Uyghur élining hemme jaylirini wehime qaplighan bir mezgilge toghra kélishi diqqet qozghidi.

Bu, bu xil güdükning chén chu'en'go Uyghur élige kelgendin buyan 2-qétim chélinishi.

Axirqi qétimqisi 2016-yili 18-séntebir oxshash waqitta chélin'ghan idi.

Toluq bet