Uyghur diyaridiki toluq ottura mektep ma'aripi heqsiz bolmaqchi

Muxbirimiz ümidwar
2017-11-19
Élxet
Pikir
Share
Print

Xitayning "Qosh tilliq ma'arip" we "Dölet tili" da oqutush dégendek namlar astida Uyghur tilidiki milliy ma'aripni peydinpey emeldin qalduruwatqanliqi Uyghurlarning qattiq naraziliqlirini qozghawatqan bir peytte Uyghur aptonom rayoni ma'arip da'iriliri yéngi bir belgilime, yeni "Toluq ottura mekteplerde heqsiz ma'aripni yolgha qoyush" qararini élan qildi.

Xitay hökümet axbarat wasitiliridin melum bolushiche, Uyghur aptonom rayonluq ma'arip nazariti 1-dékabirdin étibaren pütün aptonom rayon da'irisidiki adettiki toluq ottura mektep oqughuchilirigha we ottura derijilik kespiy mektep oqughuchiliri, yeni téxnik ishchilar mektipining pütün künlük tüzümdiki oqughuchilirigha qarita heqsiz ma'arip tüzümi yolgha qoyidighanliqini élan qildi. Mezkur heqsiz ottura mektep ma'aripi boyiche oqush puli, derslik matériyalliri puli we mektep yataqxanilirida yétish heqqi kechürüm qilinidiken. 

Uyghur aptonom rayoni ma'arip da'iriliri özlirining mezkur yéngi belgilimisini "Xelq turmushi qurulushini ilgiri sürüshtiki muhim tedbiri", dep teripligen. 

"Shinjang géziti" ning bu heqtiki uchuridin melum bolushiche, mezkur heqsiz toluq ottura mektep ma'aripi belgilimisige pütün Uyghur éli miqyasida yolgha qoyulidighan bolup, buningdin behrimen bolidighan 857 mingdin artuq oqughuchi bar iken. 

Chet'eldiki bir Uyghur ma'arip mesililiri tetqiqatchisining qarishiche, xitay da'irilirining ilgiri köp yillar mabeynide Uyghur tilini öz ichige alghan milliy ma'aripqa ajratqan meblighige qarighanda, yéqinqi bir qanche yil ichidiki, bolupmu, 13-besh yilliq pilan jeryanidiki qosh tili namidiki xitay tilliq ma'aripqa, yeni Uyghur, qazaq qatarliq milliy tillarni mekteplerde emeldin qaldurup, ma'aripni pütünley xitaychilashturushqa salghan meblighi körünerlik derijide éship kétidiken.

Toluq bet