Уйғур елидә бу йил қобул қилинидиған әскәр саниниң көпәйтилиши диққәт қозғимақта

Мухбиримиз ирадә
2019-07-25
Елхәт
Пикир
Share
Принт

«Шинҗаң гезити» қатарлиқ хитай һөкүмәт таратқулириниң хәвәр қилишичә, уйғур аптоном район миқяси бойичә 2019-йиллиқ әскәр қобул қилиш хизмити 1-авғуст күни рәсмий башлинидикән.

Хәвәрдин мәлум болушичә, бу йиллиқ әскәрликкә қобул қилиш обйектлири асаслиқи алий мәктәпләрни пүттүргәнләр, алий мәктәпкә йеңи киргән оқуғучилар вә юқири оқуш тарихиға игә яшларни асас қилинидикән. Қобул қилиниш шәртлиридә алий мәктәп оқуғучилириниң, террорлуққа қарши туруш, муқимлиқни қоғдашта ипадиси гәвдилик болған яшларниң вә «инқилабий қурбан» лар пәрзәнтлириниң алдин қобул қилинидиғанлиқи әскәртилгән.

Хәвәрдә баян қилинишичә, «бу йил уйғур ели тәвәсидики алий мәктәп оқуғучилиридин әскәрликкә елиниш нисбити %50 тин, үрүмчи шәһири, қарамай шәһириниң %70 тин төвән болмайдикән, башқа орунлардиму әскәрликкә қобул қилиш нисбити мунасип һалда өстүрүлидикән»

Уйғур аптоном районлуқ даириләрниң немә үчүн бу йил қобул қилинидиған әскәр санини көпәйтидиғанлиқи чәтәлләрдики көзәткүчиләрниң күчлүк диққитини қозғимақта. Улар хитай һөкүмити уйғур елидә 2 милйондәк уйғур, қазақ қатарлиқ йәрлик милләтләрни лагерға қамап, америка башлиқ ғәрб демократик әллириниң күчлүк тәнқидигә учриғанлиқтин әмдиликтә районниң муқимлиқи мәсилисидә қаттиқ сарасимигә чүшүватқанлиқини мөлчәрлимәктә. 3

Әнглийә парламентида «уйғур гурупписи» қурулди

Пикирләр (0)
Share
Толуқ бәт