Toquztaradiki jirghilang yézisining imami noruzni tebrikligenliki üchün tutqun qilinip késiwétilgen

Muxbirimiz erkin
2019-09-18
Élxet
Pikir
Share
Print

Toquztara nahiyesidiki jirghilang yézisining imami érjan qumash we uning yardemchisi muratbék ömer qatarliq 6 kishining ötken yil 3‏-ayda qoshnilarni yighip, noruzni tebrikligenliki üchün késiwétilgenliki ilgiri sürüldi.

Muratbék ömerning qazaqistanda turushluq qéynakisi yarmuqamet qudaybergenning 17‏-séntebir radiyomiz xitay bölümining muxbirigha bildürüshiche, muratbék ömer ötken yil 21‏-mart noruz küni yézining imami érjan qumash qatarliq 5 kishi bilen birla waqitta tutqun qilinip, bu yil 2‏-ayda 18 yilliq késiwétilgen. Yéza imami érjan quwashqa 21 yilliq qamaq jazasi bérilgen. Uning bildürüshiche, sot mehkimisi tutqunlarni "Qanunsiz yighilish ötküzüsh", "Qanunsiz radikal diniy idiyelerni tarqitish" bilen eyibligen.

Nöwette murabék ömer künes nahiyesidiki yéngi sélin'ghan chong tipliq bir türmide tutup turulmaqtiken. Nurmuqamet qudaybergen qeyninisining "Dölet étirap qilghan diniy zat" ikenliki, uninggha nahiye derijilik salahiyet kinishkisi bérilgenlikini bildürgen. Uning qeyt qilishiche, bu yil 35 yashliq muratbék ömer jirghilang yézisining almaliq kentidiki meschit imami érjan qumashning yardemchisi bolup ishligeniken. U, imam érjan qumashning ötken yili 21‏-mart küni mehellidiki qolum-qoshnilarni yighip, bir öyde noruzni tebrikligenliki, bu jeryanda bir qanche éghiz diniy sözlerni qilghanliqi, bu ularni shu küni tutqun qilinip yuqiriqidek éghir qamaq jazalirigha höküm qilinishigha seweb bolghanliqini bildürgen.

Uyghur kishilik hoquq teshkilatlirining bildürüshiche, "Nöwette xitay hökümiti rayondiki Uyghur, qazaq we bashqa musulmanlarning herqandaq bir medeniyet we diniy étiqad alametlirini radikalliq yaki bölgünchilikning ipadisi" dep basturmaqtiken.

Toluq bet