Uyghur élida intérnétta ösek söz tarqatqanlargha 500 ming som jerimane qoyulidiken

Muxbirimiz irade
2016-12-08
Share

Uyghur éli da'iriliri intérnétta ösek söz tarqatqanlarni 500 ming som jerimane bilen jazalaydighanliqini uqturghan.

Roytérs agéntliqining xewer qilishiche, Uyghur éli da'iriliri bundin kéyin intérnét torida dölet bixeterlikige tehdit peyda qilidighan, milletler ara öchmenlik we bölgünchilikke yol achidighan we sotsiyalistik tüzümni aghdurup tashlash meqset qilin'ghan mezmunlarni yollighan, tarqatqan, köchürüp tarqatqanlargha 500 ming som jerimane qoyidiken.

Mezkur xewer xitayning kündilik gézitide élan qilin'ghan bolup, uningda yene, bu xil uchurlarning tarqilishigha shara'it hazirlap bergen tor betlerningmu 50 ming som bilen jazalinidighanliqi bildürülgen.

Melum bolushiche, Uyghur élidiki muqimliqni qoghdash tedbirlirining biri qatarida élin'ghan bu tedbir aldimizdiki shenbe küni yeni 10-dékabir künidin bashlap ijra qilinidu. Uyghur éli da'iriliri bundin ilgirimu “Intérnétta qanunsiz diniy matériyallarni, térrorluqqa a'it widiyolarni körgen, tarqatqan” dégen jinayetler bilen nurghun kishini jinayi jawabkarliqqa tartqan. Bu, xelq'ara kishilik hoquq organlirining küchlük tenqidige uchrighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet