Saybagh rayon da'iriliri tam atlap chet'el torigha kirgen bir xitaygha 15 künlük tutup turush jazasi bergen

Muxbirimiz erkin
2017.03.03

Ürümchi shehiri saybagh rayonluq saqchi idarisi yéqinda qol téléfonidiki VPN yumtali arqiliq erkin asiya radiyosi qatarliq chet'el tor betlirige tam atlap kirgen bir xitay puqrasigha 15 künlük memuri tutup turush jazasi bergen.

Radiyomiz xitay bölümining ashkarilishiche, saybagh rayonluq saqchi idarisi bu yil 18‏-féwral chiqarghan memuri chare körüsh jazanamiside saybagh rayonida olturushluq xitay puqrasi méng jüntawning bu yil 8‏-yanwar VPN yumtalini ishlitip, chet'el torlirigha tam atlap kirgenlikini, erkin asiya radiyosi qatarliq “Eksiyetchil” tor béketlirini ziyaret qilghanliqini ilgiri sürgen.

Xewerde qeyt qilishiche, da'iriler méng jüntawni shu seweblik tutqun qilip, uninggha 18‏-féwraldin 5‏-martqa qeder 15 künlük memuri tutup turush jazasi bergen.

Uyghur aptonom rayoni da'iriliri 2016‏-yili chet'el tor betlirige tam atlap kirishning “Térrorluq” qatarida jazalinidighanliqini élan qilghan idi. Biraq d u q ning qeyt qilishiche, xitay qanuni Uyghur rayonida kishilerning millitige qarap perqliq ijra qilinmaqtiken.

D u q bayanatchisi dilshat rishit, méng jüntawgha 15 künlük qamaq jazasi bérishni tenqidlep, uning ornida bir Uyghur tam atlap kirgen bolsa, térrorluq bilen jazalinidighanliqini bildürdi.

U, “Biz qanun -nizamlarni din, étnik alahidilikke qarap ijra qilishqa shiddetlik qarshi turimiz” dep körsitip, “Qanun-nizamni perqliq ijra qilish Uyghurlarning kishilik heq-hoquqlirining téximu qattiq depsende qilinishigha yol échiwatidu” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.