Уйғур аптоном райони биңтүән вә дөләт игиликидики карханиларниң еғир қәрз йүкиниң йошурун хәвпигә дуч кәлгән

Мухбиримиз әркин
2021-10-08
Share

Хитайниң уйғур елидики "шинҗаң ишләпчиқириш-қурулуш биңтуәни" қатарлиқ дөләт игиликидики карханиларниң еғир қәрзи уйғур аптоном райониниң йәрлик һөкүмәт малийәсигә йошурун хәвп елип кәлгән. "җәнубий хитай сәһәр почтиси" гезитиниң ашкарилишичә, америка афғанистандин чекинип чекинип чиқиши билән уйғур аптоном райониниң җамаәт хәвпсизлик вә параванлиққа салидиған мәблиғиниң көпийишиму униң йәрлик малийәсигә болған хәвпни техиму күчәйткән.

Хәвәрдә йәнә өткән йили биңтуәнниң контроллуқидики дөләт карханилириниң кирими җиддий төвәнләп кәткәнлики, нөвәттә америкиниң җазалаш нишанидики бу йерим ишләпчиқириш, йерим қораллиқ тәшкилатиниң 2018-йилидикидәк тарқатқан заюмини төлийәлмәслик хәвпи барлиқи билдүрүлгән.

Хәвәрдә қәйт қилинишичә, зайом биңтуәнниң мәбләғ топлаш усуллириниң бири болуп, көзәткүчиләр униң намратлиқтин қутқузуш программисидин тартип "қайта тәрбийәләш" лагерлирини назарәт қилиш вә "диний ашқунлуққа" қарши турушқичә болған түрләргә кәткән зор чиқиминиң "шинҗаң һөкүмити" үчүн йошурун хәвпкә айланғанлиқини ейтқан.

Биңтүән йеқинқи йилларда зайом тарқитишни ‍изчил көпәйткән болуп, 2018-йилидики 3 милярд 400 милйон йүәндин һазирқи 50 милярд 300 милйон йүәнгә чиққан. Униң контроллуқидики дөләт карханилириниң қәрзи 2020-йили сентәбирдә 392 милярд 702 милйон йүәнгә йетип, 72 пирсәнтни тәшкил қилған. Хәвәрдә, биңтуәндики карханиларниң зиян тартишини юқумға бағлап, американиң нишанидики ширкәтләрниң ички мәбләғгә тайинидиғанлиқи билдүрүлгән болсиму, бирақ бәзи мутәхәссисләр иҗтимаий-бихәтәрлик селинмиси мәслисиниң хәлқара сүркилишниң мәркизи нуқтисида болушини вә имбаргониң йәнила малийә саһәсидикиләр диққәткә алидиған һалқилиқ амил икәнликини ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт