Uyghur aptonom rayoni bingtüen we dölet igilikidiki karxanilarning éghir qerz yükining yoshurun xewpige duch kelgen

Muxbirimiz erkin
2021-10-08
Share

Xitayning Uyghur élidiki "Shinjang ishlepchiqirish-qurulush bingtu'eni" qatarliq dölet igilikidiki karxanilarning éghir qerzi Uyghur aptonom rayonining yerlik hökümet maliyesige yoshurun xewp élip kelgen. "Jenubiy xitay seher pochtisi" gézitining ashkarilishiche, amérika afghanistandin chékinip chékinip chiqishi bilen Uyghur aptonom rayonining jama'et xewpsizlik we parawanliqqa salidighan meblighining köpiyishimu uning yerlik maliyesige bolghan xewpni téximu kücheytken.

Xewerde yene ötken yili bingtu'enning kontrolluqidiki dölet karxanilirining kirimi jiddiy töwenlep ketkenliki, nöwette amérikining jazalash nishanidiki bu yérim ishlepchiqirish, yérim qoralliq teshkilatining 2018-yilidikidek tarqatqan zayumini töliyelmeslik xewpi barliqi bildürülgen.

Xewerde qeyt qilinishiche, zayom bingtu'enning meblegh toplash usullirining biri bolup, közetküchiler uning namratliqtin qutquzush programmisidin tartip "Qayta terbiyelesh" lagérlirini nazaret qilish we "Diniy ashqunluqqa" qarshi turushqiche bolghan türlerge ketken zor chiqimining "Shinjang hökümiti" üchün yoshurun xewpke aylan'ghanliqini éytqan.

Bingtüen yéqinqi yillarda zayom tarqitishni ‍izchil köpeytken bolup, 2018-yilidiki 3 milyard 400 milyon yüendin hazirqi 50 milyard 300 milyon yüen'ge chiqqan. Uning kontrolluqidiki dölet karxanilirining qerzi 2020-yili séntebirde 392 milyard 702 milyon yüen'ge yétip, 72 pirsentni teshkil qilghan. Xewerde, bingtu'endiki karxanilarning ziyan tartishini yuqumgha baghlap, amérikaning nishanidiki shirketlerning ichki mebleghge tayinidighanliqi bildürülgen bolsimu, biraq bezi mutexessisler ijtima'iy-bixeterlik sélinmisi meslisining xelq'ara sürkilishning merkizi nuqtisida bolushini we imbargoning yenila maliye sahesidikiler diqqetke alidighan halqiliq amil ikenlikini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet