Da'iriler Uyghur diyarida yene 15 jayda mol kan bayliqi tépilghanliqini élan qildi

Muxbirimiz méhriban
2017-01-24
Share

Xitayning shinxu'a agéntliqi 24-yanwardiki xewiride, Uyghur diyaridiki 15 jayda alyumin, sénik, man'gan, altun, mis kan bayliqi tépilghanliqini xewer qildi. Xewerde peqet xoten diyaridin tépilghan alyumin we sénk kan zapisining xitayda 1-orunda dunyada 7-orunda turidighanliqi tilgha élinip, yilliq ishlepchiqirish miqdari 24 milyon tonna mölcherlen'gen bu kan échilsa 3000 kishige ish pursiti yaritilidighanliqini xewer qildi.

Xewerde yene, qeshqerning tashqorghan nahiyisi, ili oblastining arshang nahiyisidiki tebi'iy issiq su énérgiyisi arqiliq mezkur rayondiki sana'et we ahalilerning su, issiqliq éhtiyajini qamdash mumkinliki eskertilgen.

Xitay da'iriliri iqtisadiy tereqqiyat nishan qilin'ghan yéqinqi 30 yildin buyan Uyghur diyaridiki tebi'iy bayliq menbeliridin néfit, tebi'iy gaz, kömür, altun, mis, uran qatarliq kan bayliqlirini échishni tézlitip, pishshiqlap ishlesh sana'itini rawajlandurdi. Emma, bu kan bayliqlirining xitay ölke, sheherlirige toshulup, rayondiki ish pursetlirining xitay köchmenlirige bérilishi, dölet ichide ilham toxti qatarliq Uyghur öktichi ziyaliyliri teripidin "Bayliqning heqiqiy igiliri bolghan Uyghur qatarliq milletler tereqqiyat we menpe'et sirtida qalduruldi" dep tenqidlen'gen bolsa, chet'ellerdiki Uyghur teshkilatliri xitay da'irilirini Uyghur diyarida mustemlikichilik siyasiti yürgüzüsh bilen eyiblimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet