Qeshqer wilayitide 137 neper korona wirusi yuqumdari bayqalghan, sheher taqalghan

Muxbirimiz jüme
2020-10-25
Share
virus-uyghur-altay.jpg Xitay doxtur we saqchilarning a'ililerge bérip wirus yuqumini tekshürüwatqan körünüsh. 2020-19-Féwral, altay.
AFP

24-Öktebir, qeshqer wilayiti teweside 137 neper korona wirusi yuqumdari bayqalghandin kéyin, da'irilerning qeshqer wilayitini taqighanliqi melum.

Firansiye xelq'ara radiyosining bu heqtiki xewirige qarighanda, bezi xongkong taratquliri shu yerdiki yuqumning aldini élish we kontrol qilish merkizi xadimlirining sheherning taqilip qalghanliqi heqqidiki xewerni delilligenlikini éytqan.

Xongkong "Ming paw" torining xewirige qarighanda, ming paw muxbiri qeshqer wilayetlik yuqumning aldini élish we kontrol qilish merkizige téléfon qilghan, qarshi terep bu xewerni delillep, pütkül qeshqer wilayitining taqalghanliqi we ayropilanlarning qondurulghanliqini éytqan.

Bu xadim taqash buyruqining 24-öktebir chüshkenlikini, emma buningdiki seweblerni déyishke bolmaydighanliqini tekitligen. 

Shinxu'a agéntliqining bu heqtiki bir xewiride körsitishiche, 24-öktebir qeshqer wilayitining konasheher nahiyesi teweside késellik alamiti yoq bir neper korona wirusi yuqumdarliri bayqighandin kéyin, mezkur yuqumdar bilen alaqidar kishiler üstidin jiddiy tekshürüsh élip bérilghan. Netijide qeshqer teweside 25-öktebir sa'et 14 kéche 137 yuqumdar bayqalghan. Da'iriler nöwette pütün qeshqer wilayiti tewesidila jem'iy 4 milyon 746 ming 500 adem üstidin tekshürüsh élip bérishni pilan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.