Analizchilar: “Xitayning qérilar bilen balilarni yighiwélip béqish orni lagérlar mesilisining neqeder éghirliqini körsitip béridu”

Muxbirimiz jewlan
2021.01.13

Xitayche “Shinjang géziti” ning 12-dékabirdiki bir xewirige qarighanda, xitay hökümiti Uyghur rayonida 2017-yilning béshida qérilar bilen yétim balilarni yighiwélip béqish pilanini otturigha qoyghan bolup, 2020-yilning axirigha kelgende pütün rayondiki qérilar bilen ige-chaqisiz balilarni yighiwélip béqish nisbitini 100 pirsentke yetküzgen.

2020-Yil xitay hökümiti namratlar, qérilar we balilarni yighiwélip béqish, sanatoriye we yesli sélish üchün 1 milyard 600 milyon yüen meblegh ajratqan. 2020-Yilning axirigha kelgende Uyghur rayonidiki sanatoriyeler 265 ke yetken. Emma bu xewerde, bu yighiwélip béqish orunliridiki qérilar bilen balilarning zadi qanchilik ikenliki heqqide melumat bérilmigen.

Analizchilarning qarishiche, xitay hökümiti 2017-yildin bashlap Uyghurlarni keng kölemde lagérlargha solashni bashlighandila, köpligen qérilar we balilarning ige-chaqisiz qalidighanliqini mölcherligen bolup, ularni yighiwélish béqish pilaninimu shuninggha asasen ijra qilghan. Xitayning pütün rayondiki yashan'ghanlar bilen balilarni yighiwélip béqishi hergiz xitayning parawanliqi siyasitini emes, belki qabahetlik basturush siyasitini eks ettüridu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.