"Kespiy terbiyelesh mektepliri" ge dawamliq oqutquchi qobul qilinmaqta

Muxbirimiz eziz
2019-04-17
Élxet
Pikir
Share
Print

Uyghurlar diyarining herqaysi jaylirida köplep quruluwatqan "Kespiy terbiyelesh mektipi" namidiki mu'esseselerning dawamliq kéngiyiwatqanliqi melum. Yéqinda turpan kespiy terbiyelesh mektipi chiqarghan oqutquchi qobul qilish heqqidiki élan bu nuqtini yene bir qétim körsetti.

"Turpan hökümet tori" ning 14-apréldiki xewiride éytilishiche, turpan kespiy terbiyelesh mektipi jem'iyettin 270 neper oqutquchi qobul qilish heqqide élan chiqarghan. Élanda qobul qilinidighanlarning siyasiy jehette "Wetenning birlikini qoghdaydighan, milliy bölgünchilikke qarshi meydani éniq bolghan" bolushi alahide tekitlen'gen.

Bir nechche yildin béri üzlüksiz tilgha élinip kelgen lagérlar mesilisi heqqide xitay hökümiti izchil inkar pozitsiyeside bolup kelgen bolup, xelq'araning köpligen maddiy pakitlarni otturigha qoyushi bilen axiri bu jaylarni "Lagér emes, belki kespiy terbiyelesh merkizi" dep izahlighan idi.

Analizchilar bu heqte pikir qilip, "Héchqandaq bir mektep ikki-üch yüz oqutquchini biraqla xizmetke qobul qilmaydu. Bundaq zor sandiki oqutquchilar qoshunining tengla xizmetke qobul qilinishi bu atalmish mektepning del lagérgha aylinip bolghanliqini körsitidu," dédi.

Toluq bet