Хитай һөкүмити «тәрбийәләш мәркизи» ниң давамлиқ кеңийидиғанлиқини елан қилған

Мухбиримиз әзиз
2019-05-29
Елхәт
Пикир
Share
Принт

Уйғур дияридики «кәспий тәрбийәләш мәркизи» намида мәвҗут болуватқан лагерлар күчлүк ғулғулиға сәвәб болуватқанда хитай говуйүәни «кәспий маһарәтни өстүрүш һәрикәт лайиһәси (2019-2021-йили)» ни бесип тарқатти.

Шинхуа агентлиқиниң хәвәр қилишичә, мәзкур лайиһәдә хитайниң бундин кейинки муқимлиқни сақлаш, иқтисадниң шишини алға сүрүш, хәлқниң кәспий маһарәт игилишигә қолайлиқ яритиш үчүн 2019-йилидин 2021-йилиғичә болған мәзгилдә хитай тәвәсидә «50 милйон адәм қетимдин артуқ кәспий маһарәт бойичә тәрбийәләшниң ишқа ашурулидиғанлиқи, 2019-йилиниң өзидә 15 милйон адәм қетимлиқ тәрбийәләшниң тамамлинидиғанлиқи» тәкитлиниду.

Нөвәттә бу хил «кәспий тәрбийәләш» ниң қандақ шәкилдә ишқа ашурулидиғанлиқи намәлум болсиму муһаҗирәттики бир қисим анализчилар буниң уйғур дияридики лагерлар мәсилисини хәлқараниң диққитидин буриветиш тәдбирлириниң бири болуши мумкинликини, шундақла уйғур дияридики «тәрбийәләш мәркәзлири» ниң давамлиқ кеңийишидин бешарәт икәнликини илгири сүрмәктә.

Пикирләр (0)
Share
Толуқ бәт