Xitay hökümiti "Terbiyelesh merkizi" ning dawamliq kéngiyidighanliqini élan qilghan

Muxbirimiz eziz
2019-05-29
Élxet
Pikir
Share
Print

Uyghur diyaridiki "Kespiy terbiyelesh merkizi" namida mewjut boluwatqan lagérlar küchlük ghulghuligha seweb boluwatqanda xitay gowuyüeni "Kespiy maharetni östürüsh heriket layihesi (2019-2021-yili)" ni bésip tarqatti.

Shinxu'a agéntliqining xewer qilishiche, mezkur layihede xitayning bundin kéyinki muqimliqni saqlash, iqtisadning shishini algha sürüsh, xelqning kespiy maharet igilishige qolayliq yaritish üchün 2019-yilidin 2021-yilighiche bolghan mezgilde xitay teweside "50 Milyon adem qétimdin artuq kespiy maharet boyiche terbiyeleshning ishqa ashurulidighanliqi, 2019-yilining özide 15 milyon adem qétimliq terbiyeleshning tamamlinidighanliqi" tekitlinidu.

Nöwette bu xil "Kespiy terbiyelesh" ning qandaq shekilde ishqa ashurulidighanliqi namelum bolsimu muhajirettiki bir qisim analizchilar buning Uyghur diyaridiki lagérlar mesilisini xelq'araning diqqitidin buriwétish tedbirlirining biri bolushi mumkinlikini, shundaqla Uyghur diyaridiki "Terbiyelesh merkezliri" ning dawamliq kéngiyishidin bésharet ikenlikini ilgiri sürmekte.

Toluq bet