Uyghur kishilik hoquq qurulushi Uyghur élidiki lagérlar heqqide doklat élan qildi

Muxbirimiz irade
2018-08-23
Élxet
Pikir
Share
Print

Amérikidiki Uyghur kishilik hoquq qurulushi 23-awghust küni Uyghur élidiki "Yépiq terbiye" lagérliri heqqide bir parche yéngi doklat élan qildi.

Doklatqa "Uyghurlarning keng kölemde tutqun qilinishi: biz peqet insandek yashashni telep qilimiz, bu artuqche telepmu?" dep mawzu qoyulghan. Uyghur kishilik hoquq qurulushi mezkur doklat munasiwiti bilen élan qilghan bayanatida Uyghur élide insaniyetke qarshi bir krizisi yüz bériwatqan bir peytte xelq'ara jama'etning buni toxtitish üchün derhal heriketke ötüshi kérekliki eskertilgen.

Bir milyondin artuq Uyghurning "Yépiq terbiye" lagérlirida sistémiliq idiye özgertish herikiti, qéyin -qistaq we hetta ölüm tehditi bilen yashawatqanliqi tilgha élin'ghan bu bayanatta lagérlarning axiri bérip irqiy qirghinchiliqqa sehne bolushiningmu éhtimaldin uzaq emesliki, xelq'ara jama'etning xitay hökümitige lagérlardiki tutqunlarni azad qilish we xitay hökümitini jawabkarliqqa tartish üchün bésim shekillendürüshi kérekliki eskertilgen.

Uyghur kishilik hoquq qurulushi bayanatida bu lagérlarda oqughuchilar, ziyaliylar, déhqanlar, tijaretchiler, dini ölimalar, artislar, putbulchilar, yerlik hökümet emeldarliri, ayallar, erler, balilar, yashlar, qérilardin teshkillen'gen barliq sahelerdin adem barliqini tekitlep, "Yehudiylargha qilin'ghan qirghinchiliq tekrarlanmisun" dégen idiye bilen chong bolidighan amérikiliqlarning buninggha ortaq qarshi turushi kérekliki bayan qilin'ghan.

Toluq bet