Лагерларниң кеңийидиғанлиқи «нишанлиқ ярдәм бериш» муһакимә йиғинида оттуриға қоюлди

Мухбиримиз әзиз
2020-09-29
Елхәт
Пикир
Share
Принт

Хитай һөкүмитиниң адәм күчи байлиқи вә иҗтимаий капаләт министирлиқи 28-сентәбир күни қәшқәрдә «җәнубий шинҗаңға нишанлиқ ярдәм бериш» темисида йиғин ачқан болуп, йиғинда 3-қетимлиқ «шинҗаң хизмәт йиғини» ниң роһини өгиниш вә иҗра қилиш, шу қатарда «җәнубий шинҗаңниң ихтисаслиқлар сепини кеңәйтиш» тәкитләнгән.

Мәзкур министирлиқниң министири җаң җинән бу һәқтә сөз қилип «ши җинпиңниң йеңи дәврдики шинҗаңни идарә қилиш истратегийәсини толуқ вә қәтий иҗра қилиш» ни тәкитлигән. Шуниңдәк «биз чоқуқ ихтисаслиқ кишиләрни тәрбийәләш арқилиқ җәнубий шинҗаңдики намратлиқ вә ишқа орунлаштуруш хизмитини йүксәлдүрүшимиз керәк» дегән. Ахирида болса «тәрбийәләш» билән ишқа орунлаштурушни зич бирләштүрүш, бу җәһәттә хитай өлкилири тегишлик «ярдәм» дә болуш лазимлиқини билдүргән.

Йиғинда уйғур аптоном райониниң рәиси шөһрәт закирму сөз қилип хитай өлкилириниң бу хилдики «нишанлиқ ярдәм» лириниң муқимлиқ вә иҗтимаий тәрәққиятқа пайдилиқ икәнликини, шуниң үчүн бу қарарни толуқ иҗра қилиш лазимлиқини тәкитлигән.

Әмма бир қисим анализчилар хитай һөкүмитиниң өткән мәзгилләрдә изчил давам қиливатқан һәмдә барғансери кеңийиватқанлиқи мәлум болуватқан лагерларни «тәрбийәләш» намида ақлап кәлгәнликини, шундақла «тәрбийәләш» намида кеңийиватқан бу лагерларниң хәлқарада кәскин тәнқидлиниватқан «мәҗбурий әмгәк» үчүн әмгәк күчлирини тәйярлайдиған мәйдан болуватқанлиқини әскәртти. Шуниңдәк хитай һөкүмитиниң нөвәттики «нишанлиқ ярдәм бериш» қурулушини «тәрбийәләш вә ишқа орунлаштуруш» билән бағлап иҗра қилиш әһвалиға қарап буниң нөвәттики лагерларни техиму кеңәйтишниң бешарити икәнликини алға сүрди.

Пикирләр (0)
Share
Толуқ бәт