Chéx we silowakiyelik zatlar xitay hökümitidin Uyghur élidiki lagérlarni taqashni telep qilghan

Muxbirimiz irade
2018-12-11
Élxet
Pikir
Share
Print

Uyghur élide yolgha qoyuluwatqan lagérgha qarshi awazlar kücheymekte. 10-Dékabir "Xelq'ara kishilik hoquq küni" de chéx we silowakiyelik ilmiy xadimlar we her sahe zatlardin teshkillen'gen 115 kishi imzaliq bayanat élan qilip, xitay hökümitidin Uyghur élidiki lagérlarni taqashni telep qilghan.

Bayanatta xitay hökümitining Uyghur élide yolgha qoyghan éghir bésim siyasetliri shundaqla Uyghur, qazaq we bashqa musulman milletlerni lagérgha qamash herikiti qattiq eyiblinip, xitay hökümitidin "Siyasiy terbiye" lagérlirigha qamalghan barliq kishilerni derhal azad qilish, rayondiki yuqiri bésimliq siyasitini ayaghlashturush telep qilin'ghan.

Mezkur bayanatqa imza qoyghuchilar chéx we silowakiyediki ilmiy tetqiqatchilar, herqaysi musteqil organlar we tetqiqat orunlirining tetqiqatchiliridin teshkillen'gen bolup, ular xitayning kishilik hoquqqa qiliwatqan depsendichilikining kündin-kün'ge éghirlishiwatqanliqidin, bolupmu xitayning dunya teripidin ortaq qobul qilin'ghan kishilik hoquq normilirini özgertishke urunushidin qattiq endishilenmektiken.

Ular bayanatida yene xitay hökümitining igilik hoquq detalishi qiliwatqan rayonlargha we teywen'ge qaratqan zorluq-zombuluq shundaqla démokratik döletlerdiki siyasiy we ijtima'iy sistémini ajizlashturushqa urunushidek bir qatar heriketlirining özliride küchlük endishe peyda qilghanliqinimu eskertip ötken.

Toluq bet