«Дөләтниң бихәтәрликини һимайә қилиш» - уйғур дияридики маарип саһәсиниң асасий хизмәт темиси болмақта

Мухбиримиз әзиз
2019-04-17
Елхәт
Пикир
Share
Принт

15-Апрел күни хитай мәркизий һөкүмитиниң хоңкоңда турушлуқ алақә ишханисиниң мудири ваң җимин хоңкоңниң камчуң районида ечилған «дөләт бихәтәрлики тәрбийәси күни муһакимә йиғини» да «дөлитимиз соғуқ уруш дәври аяғлашқандин буянқи әң еғир болған дөләт бихәтәрлики мәсилисигә дуч келиватиду.

Бир қисим гуруһлар дөлитимизгә қарши болған дүшмән күчләр билән бирлишип, дөлитимизниң игилик һоқуқиға дәхли-тәруз қилмақчи болуватиду,» дегән.

Хитай мәркизий һөкүмитиниң хоңкоңға әвәтилгән әң алий мәмурий хадиминиң қилған бу сөзлири уйғур диярида «дөләт бихәтәрлики тәрбийә күни» мунасивити билән өткүзүлгән түрлүк паалийәтләрдики баш тема билән бир йәрдин чиқиду. «Хитай хәвәрлири тори» ниң 16-апрелдики хәвиридә ейтилишичә, бу йилқи «дөләт бихәтәрлики тәрбийә күни» дә пүткүл район миқясида дөләт бихәтәрлики еңини ашуруш, бу һәқтики чүшәнчини омумлаштуруш, «йүзлигән, миңлиған кәнтләрдики түмән миңлиған аһалә бирликтә дөләт байриқи чиқириш» баш вәзипә қилинған. Шундақла дөләт бихәтәрлики тәрбийәсини «қулаққа, меңигә вә қәлбигә мәһкәм орнитиш» оттуриға қоюлған.

Бир қисим анализчиларниң қаришичә, бу йил хитай хәлқ җумһурийити қурулғанлиқиниң 70 йиллиқ хатириси болуп, хитай һөкүмитиниң бу хил әндишиләрдә болуши уларниң өз-өзигә болған ишәнчисиниң қайсий дәриҗидә икәнликиниң инкаси икән.

Пикирләр (0)
Share
Толуқ бәт