"Döletning bixeterlikini himaye qilish" - Uyghur diyaridiki ma'arip sahesining asasiy xizmet témisi bolmaqta

Muxbirimiz eziz
2019-04-17
Élxet
Pikir
Share
Print

15-Aprél küni xitay merkiziy hökümitining xongkongda turushluq alaqe ishxanisining mudiri wang jimin xongkongning kamchung rayonida échilghan "Dölet bixeterliki terbiyesi küni muhakime yighini" da "Dölitimiz soghuq urush dewri ayaghlashqandin buyanqi eng éghir bolghan dölet bixeterliki mesilisige duch kéliwatidu.

Bir qisim guruhlar dölitimizge qarshi bolghan düshmen küchler bilen birliship, dölitimizning igilik hoquqigha dexli-teruz qilmaqchi boluwatidu," dégen.

Xitay merkiziy hökümitining xongkonggha ewetilgen eng aliy memuriy xadimining qilghan bu sözliri Uyghur diyarida "Dölet bixeterliki terbiye küni" munasiwiti bilen ötküzülgen türlük pa'aliyetlerdiki bash téma bilen bir yerdin chiqidu. "Xitay xewerliri tori" ning 16-apréldiki xewiride éytilishiche, bu yilqi "Dölet bixeterliki terbiye küni" de pütkül rayon miqyasida dölet bixeterliki éngini ashurush, bu heqtiki chüshenchini omumlashturush, "Yüzligen, minglighan kentlerdiki tümen minglighan ahale birlikte dölet bayriqi chiqirish" bash wezipe qilin'ghan. Shundaqla dölet bixeterliki terbiyesini "Qulaqqa, méngige we qelbige mehkem ornitish" otturigha qoyulghan.

Bir qisim analizchilarning qarishiche, bu yil xitay xelq jumhuriyiti qurulghanliqining 70 yilliq xatirisi bolup, xitay hökümitining bu xil endishilerde bolushi ularning öz-özige bolghan ishenchisining qaysiy derijide ikenlikining inkasi iken.

Toluq bet