Уйғур районидики маарип тармақлири ичкири өлкиләрдин давамлиқ хитай оқутқучи қобул қилмақта

Мухбиримиз әркин
2020-04-20
Share

Уйғур аптоном районидики маарип тармақлири райондики мәктәпләргә ичкири өлкиләрдин давамлиқ оқутқучи қобул қилмақта. Йеқинда ақту наһийәси уқтуруш чиқирип, ичкири өлкиләрдин 520 оқутқучи қобул қилидиғанлиқини елан қилған. Охшаш бир вақитта йәнә ақсу шәһири 1000 нәпәр оттура, башланғуч вә йәсли оқутқучиси қобул қилидиғанлиқини елан қилған.

Бу елан хитайниң вухәндә партлиған корона вируси карантини бикар қилинғандин кейин уйғур райониға кәң көләмлик хитай көчмәнлирини йөткәш долқуни қозғалған мәзгилдә чиқирилған. Даириләр бу долқунда һәр хил параванлиқ сиясәтлирини чиқирип, көчмәнләрни бикарлиқ туралғу, бикарлиқ терилғу йәр, юқири маашлиқ хизмәт билән тәминләшкә вәдә бәргән. Бәзи анализчилар мақалә йезип хитай даирилириниң бу һәрикитини уйғурларни хитай нопуси билән тунҗуқтуруш мәқситидики «демографик қирғинчилиқ» дәп әйиблигәниди.

Лекин ақту наһийәсиниң еланида тәкитлинишичә, буниңда улар «дөләт вә аптоном районниң аз санлиқ милләтләр районлирида дөләт ортақ тилни ишлитишни күчәйтиш тоғрисидики сияситиниң тәлипи, аптоном районниң 1-номурлуқ қурулушни әмәлийләштүрүш, мәзкур наһийәниң дөләт ортақ тили оқутуш иқтидарини юқири көтүрүш, оқутқучи кәмчил болуш мәсилисини һәл қилиш» ни мәқсәт қилғаникән. Хитай һөкүмити аз санлиқ милләтләрниң тилини қоғдаватқанлиқини илгири сүрсиму, лекин у 2017-йили7-айда уйғур дияридики мәктәпләрдә уйғур тилини бирдәк чәклигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт