Uyghur rayonidiki ma'arip tarmaqliri ichkiri ölkilerdin dawamliq xitay oqutquchi qobul qilmaqta

Muxbirimiz erkin
2020-04-20
Élxet
Pikir
Share
Print

Uyghur aptonom rayonidiki ma'arip tarmaqliri rayondiki mekteplerge ichkiri ölkilerdin dawamliq oqutquchi qobul qilmaqta. Yéqinda aqtu nahiyesi uqturush chiqirip, ichkiri ölkilerdin 520 oqutquchi qobul qilidighanliqini élan qilghan. Oxshash bir waqitta yene aqsu shehiri 1000 neper ottura, bashlan'ghuch we yesli oqutquchisi qobul qilidighanliqini élan qilghan.

Bu élan xitayning wuxende partlighan korona wirusi karantini bikar qilin'ghandin kéyin Uyghur rayonigha keng kölemlik xitay köchmenlirini yötkesh dolquni qozghalghan mezgilde chiqirilghan. Da'iriler bu dolqunda her xil parawanliq siyasetlirini chiqirip, köchmenlerni bikarliq turalghu, bikarliq térilghu yer, yuqiri ma'ashliq xizmet bilen teminleshke wede bergen. Bezi analizchilar maqale yézip xitay da'irilirining bu herikitini Uyghurlarni xitay nopusi bilen tunjuqturush meqsitidiki "Démografik qirghinchiliq" dep eyibligenidi.

Lékin aqtu nahiyesining élanida tekitlinishiche, buningda ular "Dölet we aptonom rayonning az sanliq milletler rayonlirida dölet ortaq tilni ishlitishni kücheytish toghrisidiki siyasitining telipi, aptonom rayonning 1-nomurluq qurulushni emeliyleshtürüsh, mezkur nahiyening dölet ortaq tili oqutush iqtidarini yuqiri kötürüsh, oqutquchi kemchil bolush mesilisini hel qilish" ni meqset qilghaniken. Xitay hökümiti az sanliq milletlerning tilini qoghdawatqanliqini ilgiri sürsimu, lékin u 2017-yili7-ayda Uyghur diyaridiki mekteplerde Uyghur tilini birdek chekligen.

Toluq bet