Уйғур районидики мәктәпләр кечикип оқуш башлайдиған, дәрсләр торда өтүлидиған болған

Чолпан (The Star) торида хитай шинхуа агентлиқиниң 26-авғуст тарқатқан бир хәвири елан қилинған болуп, униңда мәлум болушичә, уйғур районидики мәктәпләрниң күзлүк оқуш мәвсуми кечиктүрүлүп, дәрсләр торда өтүлидиған болған. Бу райондики йәсли, башланғуч мәктәп, толуқсиз оттура вә толуқ оттура мәктәпләр 9-айниң 1-күнидин башлап оқуш башлайдиған болуп, дәрсләр торда өтүлидикән.

Мәктәпләр йәнә йәрлик сәһийә идарилириниң йетәкчиликидә мәктәп ичини дезинфексийә қилип, муһит сағламлиқиға капаләтлик қилидикән. Районлуқ маарип тармақлири мәктәпләрни торда оқутуш мәнбәлири билән тәминләйдикән, шундақла мәктәпләрдин торда оқутуш пилани вә дәрс программисини тәләп қилидикән.