Uyghur rayonidiki mektepler kéchikip oqush bashlaydighan, dersler torda ötülidighan bolghan

Cholpan (The Star) torida xitay shinxu'a agéntliqining 26-awghust tarqatqan bir xewiri élan qilin'ghan bolup, uningda melum bolushiche, Uyghur rayonidiki mekteplerning küzlük oqush mewsumi kéchiktürülüp, dersler torda ötülidighan bolghan. Bu rayondiki yesli, bashlan'ghuch mektep, toluqsiz ottura we toluq ottura mektepler 9-ayning 1-künidin bashlap oqush bashlaydighan bolup, dersler torda ötülidiken.

Mektepler yene yerlik sehiye idarilirining yétekchilikide mektep ichini dézinféksiye qilip, muhit saghlamliqigha kapaletlik qilidiken. Rayonluq ma'arip tarmaqliri mekteplerni torda oqutush menbeliri bilen teminleydiken, shundaqla mekteplerdin torda oqutush pilani we ders programmisini telep qilidiken.