Qeshqer teweside yéngidin üch téxnikom mektipining qurulushi diqqet qozghidi

Muxbirimiz eziz
2020-10-28
Share

Yéqinda xitay hökümiti maralbéshi, yerken we qaghiliq nahiyeliride birdin ottura derijilik téxnikom mektipi qurup, jem'iyettin ottura téxnikom ma'aripi boyiche oqughuchi qobul qilishqa bashlighan.

"Tengritagh" torining 28-öktebirdiki xewiride éytilishiche, bu mekteplerde tesis qilin'ghan kesipler "Yerlikning éhtiyajigha neq chüshidighan türler" dep teswirlen'gen. Shundaqla buningda rémontchiliq, qurulush, satirashliq, ashpezlik, tikküchilik, kepsherlesh qatarliqlarning muhim orun igileydighanliqi tekitlen'gen. Xewerde yene buning "Ma'arip arqiliq namratliqni tügitish hemde yaramliq kesip ehlini terbiyelesh" tedbiri ikenliki alahide sherhilen'gen. Ma'arip nazaritidiki bir mes'ul xitay bu heqte söz qilip: "Biz buningda bir qolda ma'aripni, yene bir qolda karxanini yéteklep méngish arqiliq namratliqni tügitimiz. Yéqin kelgüside her bir nahiyede birdin téxnikom mektipi qurimiz," dégen.

Emma muhajirettiki közetküchiler bu mekteplerdiki kesiplerning izchil xelq'arada tenqid obyékti boluwatqan "Mejburiy emgek" sahesidiki türler ikenlikini tekitlep, bu atalmish téxnikom mekteplirining emeliyette nami özgergen lagérlar bolushi mumkinlikini algha sürmekte. Yene kélip xitay hökümitining bu mekteplerni "Namratliqni tügitish" ke baghlishiningmu gumanliq ikenlikini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.