Uyghurlar diyarida hawa mudapi'esi signali manéwiri bolmaqchi

Muxbirimiz eziz
2020-09-11
Élxet
Pikir
Share
Print

Xitay da'iriliri yéqinda Uyghurlar diyaridiki herqaysi sheherlerde 18-séntebir küni sa'et chüsh sa'et 12 de (ürümchi waqti 10 da) hawa hujumidin mudapi'elinish signaligha inkas qayturush manéwiri ötküzidighanliqini élan qildi. Uyghur aptonom rayonluq hökümet 10-séntebir küni bu heqte mexsus uqturush chiqardi.

"Tengritagh" torining 10-séntebirdiki xewiride éytilishiche, bu qéitimliq manéwir ürümchi, ghulja, qeshqer, xoten qatarliq barliq chong sheherlerde tengla ötküzülidiken. Xewerde bu qétimqi maniwérning xitaydiki "Hawa mudapi'e qanuni" we bashqa nizamlarning rohiy boyiche "Dölet mudapi'e terbiyisi teshwiqatini ashurush hemde xelq ammisining hawa hujumidin saqlinish chüshenchisini ashurush" meqsitide uyushturulghanliqi éytilidu.

Halbuki bir qisim analizchilar buni xitay hökümitining ushtumtut yüz bérish éhtimali bolghan heqiqiy hujumlar üchün qiliwatqan teyyarliqining bir qismi, dep qarimaqta iken. Bolupmu xitay bilen hindistan otturisidiki chégra toqunushining yéngi bir meydan urushqa aylinip kétish éhtimalliqini tekitligen Uyghur ziyaliysi qahar barat "Xitay hökümiti herqachan 'jinning qesti shaptulda' dégendek ish qilishqa adetlen'gen. Bu qétimmu ular sherqiy türkistandiki köchmen xitaylargha bir qétimliq xatirjemlik tuyghusi ata qilishni közlimekte" dédi.

Toluq bet