Xitay armiyesining Uyghur élida turushluq qisimliri herbiy manéwir qilghan

Muxbirimiz irade
2016-12-08
Share

Xitayning yershari waqti gézitining charshenbe künidiki xewiride bayan qilinishiche, xitay armiyisining Uyghur élida turushluq qisimliri yéqinda 10 ming kishilik herbiy manéwir élip barghan. Uyghur élining qaraqurum taghliridiki déngiz yüzidin 4000 métir égizliktiki jayda élip bérilghan bu herbiy manéwirgha herbiy xadimlar bilen birlikte tanka qatarliq nurghun herbiy esliheler qatnashturulghan.

Xewerde bu qétimliq herbiy manéwir arqiliq herbiylerning égizliktiki urush qilish iqtidarining ashurulghanliqi bayan qilin'ghan, emma herbiy manéwirning qaysi künliri, zadi qeyerde élip bérilghanliqi éniq tilgha élinmighan.

Uyghur éli da'iriliri Uyghur élida atalmish “Térrorluqqa qarshi küresh” te aldin zerbe bérip, teshebbuskarliq bilen hujumgha ötüshni tekitlewatqan bir mezgilde élip bérilghan bu urush manéwiri diqqet qozghidi. Uyghur élining yéngi sékrétari chén chüen'go Uyghur élidiki armiye, qoralliq qisimlar bilen uchriship, ularning chégra rayonning muqimliqini qoghdashtiki muhim ehmiyitini tekitligen. Biraq, chet'ellerdiki kishilik hoquq organliri Uyghur élida turushluq qoralliq qisimlarni yüz bergen weqelerni basturushta “Heddidin ziyade küch qollinish” bilen eyiblimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet