Xoten wilayitining “Az sanliq milletler tereqqiyati meblighi” östürülgen

Muxbirimiz irade
2017.02.23

Uyghur aptonom rayonluq hökümet tor bétidin melum bolushiche, Uyghur aptonom rayon da'iriliri charshenbe küni xoten wilayitidiki az sanliq milletler tereqqiyati üchün birinchi türkümde 32 milyon 900 ming som meblegh testiqlighan.

Gerche bu her yili bir qétim Uyghur aptonom rayonluq hökümet teripidin xoten wilayitidiki namratlarni yölesh xizmetliri üchün bérilip kéliwatqan bir meblegh bolsimu, emma uning gumidiki weqedin kéyinki jiddiy weziyet astida élan qilinishi diqqet qozghidi.

Bu heqtiki xewerde, xoten wilayitige testiqlan'ghan az sanliq milletler tereqqiyati meblighining aldinqi yilgha qarighanda 30.86 Pirsent ashurulghanliqi tilgha élin'ghan. Chet'ellerdiki bir qisim közetküchiler bolsa buni xitay hökümitining Uyghur élida yürgüzüwatqan “Bir qolda yumshaq, bir qolda qattiq bolush” siyasitining bir parchisi, dep bahalidi.

Xitay hökümiti 2009-yilidiki 5-iyul ürümchi weqesidin kéyinmu rayon'gha halqima tereqqiyat üchün zor meblegh salghan. Emma nurghun kishilik hoquq organliri Uyghurlargha barawer mu'amile qilmay turup sélin'ghan bu mebleghningmu rayon xelqige payda ep kelmeydighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.