Chet'ellik tetqiqatchilar Uyghur diyaridiki meschit we qebristanliqlarning weyran qiliniwatqanliqini ilgiri sürmekte

Muxbirimiz sada
2019-06-12
Share

Amérika layola uniwérsitétining tarix penliri proféssori rayn sam 11-iyun küni özining twittér bétige xoten shehiride chéqip tüzliwétilgen bezi meschitlerning chiqilishtin burunqi we hazirqi halitini sélishturup, bir yazma chaplighan.

Mezkur yazmida rayn sam xotendiki melum bir qebristanliqning sün'iy hemrah süritimu qoshup qoyghan. 2018-Yili 19-awghust küni tartilghan sürette qebristanliqning da'irisi intayin keng bolup, barliq qebriler normal halette turghan. Halbuki 2019-yili 26-féwraldiki sürette shu da'ire bir qaqas tüzlenglikke aylinip qalghan.

U yazmisida yene xoten sheherlik hökümet ötken mezgilde élan qilghan "Xoten sheher sultanim mazarliqini yötkesh toghrisidiki uqturush" nimu tilgha alghan bolup, u buninggha baha yézip, "Uyghurlarning tarixini yer yüzidin yoq qiliwatqan bezi hökümetlerge nisbeten bu xildiki mazarliqni yötkesh qilmishi 'jem'iyetni tereqqiy qildurush' we 'güzelleshtürüsh' tin ibarettur," dégen.

29-Aprél amérikadiki "Blumbérg xewerliri" agéntliqimu xitay hökümitining Uyghur diyaridiki tarixiy yadikarliq süpitidiki qurulushlarni keng kölemde chéqip weyran qiliwatqanliqi heqqide bir xewer élan qilghan idi. Közetküchilerning ilgiri sürüshiche, bu weziyet xitay hökümitining Uyghurlarning tarixiy yadikarliqliri we diniy medeniyitini tüp yiltizdin qomurush urunushining roshen ipadisi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet