Uyghur élida zawut, kan-karxanilarning bulghima qoyup bérishi boyiche yéngi belgilime yolgha qoyulghan

Muxbirimiz qutlan
2016-04-11
Share

Xitay hökümet taratqulirining bügünki xewirige qarighanda, Uyghur aptonom rayonidiki zawut, kan-karxanilarning bulghima qoyup bérishi boyiche yéngi belgilime yolgha qoyulghan.

Xewerde déyilishiche, Uyghur aptonom rayonidiki zawut we kan-karxanilar bundin kéyin günggürt oksidi, azot oksidi, ximiyelik oksigén we ammiyakliq azot qatarliq töt türlük bulghima madda bilen bulghima chiqirish hoquqini heqliq ishlitidiken.

Yéngi belgilimide bulghima qoyup bérish hoquqini heqliq ishlitishni aldi bilen nuqtida sinaq qilip, andin tedrijiy omumlashturidiken.

Melumki, yéqinqi yillardin buyan xitayning "Gherbni échish" istratégiyilik tereqqiyat pilani boyiche Uyghur élida türlük zawut we kan-karxanilar shiddet bilen köpeygen, bolupmu xitay shirketlirining yerlik da'iriler bilen kéliship, Uyghur déhqanlirining térilghu yerlirini mejburiy yaki erzan bahada sétiwélish usuli bilen igiliwélishi hemde bu yerlerge türlük zawutlarni qurushi Uyghur élining muhitni zor derijide bulghighan.

Közetküchiler, xitay da'irilirining bu yéngi belgilimisini "Aldi bilen Uyghur élining bayliqlirini qalaymiqan échip, muhitni bulghap bolghandin kéyin, andin tedbir qollinishni oylashqanliqtin bashqa nerse emes" dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.