Уйғур елида завут, кан-карханиларниң булғима қоюп бериши бойичә йеңи бәлгилимә йолға қоюлған

Мухбиримиз қутлан
2016-04-11
Share

Хитай һөкүмәт таратқулириниң бүгүнки хәвиригә қариғанда, уйғур аптоном районидики завут, кан-карханиларниң булғима қоюп бериши бойичә йеңи бәлгилимә йолға қоюлған.

Хәвәрдә дейилишичә, уйғур аптоном районидики завут вә кан-карханилар бундин кейин гүңгүрт оксиди, азот оксиди, химийәлик оксиген вә аммияклиқ азот қатарлиқ төт түрлүк булғима мадда билән булғима чиқириш һоқуқини һәқлиқ ишлитидикән.

Йеңи бәлгилимидә булғима қоюп бериш һоқуқини һәқлиқ ишлитишни алди билән нуқтида синақ қилип, андин тәдриҗий омумлаштуридикән.

Мәлумки, йеқинқи йиллардин буян хитайниң «ғәрбни ечиш» истратегийилик тәрәққият пилани бойичә уйғур елида түрлүк завут вә кан-карханилар шиддәт билән көпәйгән, болупму хитай ширкәтлириниң йәрлик даириләр билән келишип, уйғур деһқанлириниң терилғу йәрлирини мәҗбурий яки әрзан баһада сетивелиш усули билән игиливелиши һәмдә бу йәрләргә түрлүк завутларни қуруши уйғур елиниң муһитни зор дәриҗидә булғиған.

Көзәткүчиләр, хитай даирилириниң бу йеңи бәлгилимисини «алди билән уйғур елиниң байлиқлирини қалаймиқан ечип, муһитни булғап болғандин кейин, андин тәдбир қоллинишни ойлашқанлиқтин башқа нәрсә әмәс» дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.