Xitayning 2017‏-yili Uyghur rayonida bixeterlikke serp qilghan puli kanadadin 7 hesse éship ketken

Muxbirimiz erkin
2018-03-09
Share

Xitayning Uyghur aptonom rayonidiki bixeterlik sélinmisi xelq'ara axbarat wasitilirining diqqitini qozghashqa bashlidi. Kanada axbaratining ashkarilishiche, xitayning 2017‏-yili Uyghur aptonom rayonida bixeterlik ishlirigha serp qilghan puli kanadaning ötken yilliq bixeterlik sélinmisidin 7 hesse éship ketken.

Ötken yili Uyghur aptonom rayonining bixeterlik sélinmisi aldinqi yilqidin 92 pirsent östürülüp, 11 milyard 850 milyon dollargha yétip barghan. Kanadada chiqidighan "Ye shari we pochta géziti" ning 8‏-mart élan qilin'ghan maqaliside körsitilishiche, ötken yili Uyghur aptonom rayonda bixeterlikke serp qilin'ghan pul salametlikke sélin'ghan mebleghdin 2 hesse, ijtima'iy parawanliqqa sélin'ghan mebleghdin 11 pirsent éship ketken bolup, Uyghur rayonining ma'aripqa salghan omumiy meblighining 80 pirsentini igiligen. Maqalida xitayning Uyghur rayonda ma'aripqa köplep meblegh sélip, nurghun yéngi mektep we yeslilerni qurghanliqini bildürgen.

Közetküchilerning qeyt qilishiche, xitayning Uyghur rayonida ma'aripqa salghan meblighining köp bolushi uning rayonda Uyghur tilini cheklep, mektep, yeslilerni omumyüzlük xitaychilashturushi we xitay ölkiliridin yuqiri ma'ashliq oqutquchilarni teklip qilip ishqa orunlashturushi bilen munasiwetlik iken.

Xitay hökümiti ötken yili 7‏-ayda uqturush chüshürüp, Uyghur tilini mekteplerde chekligen idi. Maqalida xitayning shangxey shehiri bilen Uyghur aptonom rayoni sélishturulup, bu ikki rayonning nopusi oxshash bolsimu, lékin shangxeyning bixeterlik sélinmisi Uyghur rayonining 5 den birige toghra kélidighanliqini, shangxeyning ijtima'iy parawanliqqa salghan meblighi Uyghur rayonidin 5 hesse köplükini bildürgen. Maqalida yene xitayning 2017‏-yili Uyghur rayonigha 100 ming saqchi qobul qilip, 7000 saqchi ponkiti we nurghun "Yépiq terbiyelesh merkezliri" ni qurghanliqi, shu sewebtin rayonning bixeterlik sélinmisining bir hessidek éship ketkenliki tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.