“муқимлиқ” намида қәшқәрдә бир ай ичидә 500 адәм тутулған

Мухбиримиз җүмә
2013.09.18

Уйғур кишилик һоқуқ тәшкилатлириниң билдүрүшичә, хитай һөкүмити бу йил июлниң оттурисидин һазирға кәлгүчә пәқәт қәшқәрдила “муқимлиқ” намида тутқан уйғур сани 500 гә йетидикән.

Дуня уйғур қурултийи баянатчиси дилшат ришитниң билдүрүшичә, бу һәқтики учурларни өткән һәптә қәшқәрдики мәлум бир әдлийә хадими ички материяллардин елип чәтәлдики уйғур тәшкилатлириға ашкарилиған.

Дилшат риштиниң мундақ деди: буларниң һәммиси җәмийәт тәртипини қалаймиқан қилиш, қанунсиз диний паалийәтләргә қатнишиш қатарлиқ җинайәтләр билән қолға елинған. Буларниң ичидә йәнә 100 гә йеқин аялму бар.

Ейтилишичә, бу кишиләрниң бир қисми “тәрбийә берип” қоюп берилгән, бир қисмиға җәриманә қоюлған болса, йәнә бир қисми тутуп туруш орунлиған қамалған.

Дилшат ришит мундақ деди: хитай һөкүмити мушундақ қаттиқ қол сиясити билән районда миллий өчмәнлик уруқи чечиватиду. Бу шундақ кетивәрсә кәлгүсидә техиму чоң наразилиқ вәқәлиригә сәвәб болиду.

Хитай даириләр техи бир нәччә һәптиниң алдидила қәшқәр қағилиқтики бир өйдә йиғилған уйғурларға оқ чиқирип, йигирмә нәччә уйғурни етип ташлиған вә бир нәччисини яриландурған иди. Бундақ қирғинчилиқ охшаш мәзгилдә поскамдиму садир болған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.