Ши җинпиңниң “шинҗаң” хизмитидә қайта сәпәрвәрлик чақириқи диққәт қозғиди

Мухбиримиз шөһрәт һошур
2016-09-28
Share

“шинҗаң гезити” ниң 28-сентәбир күнидики обзорида баян қилинишичә, хитай дөләт рәиси ши җинпиң йеқинда ечилған “шинҗаң хизмити баш нишанини изчиллаштуруш вә әмәлийләштүрүш” тоғрисидики қайта сәпәрвәрлик йиғинида, уйғур районида баш нишанниң муқимлиқ вә әбәдий әминлик икәнлики вә барлиқ хизмәтләрниң баш нишанни чөридиши керәкликини тәкрарлаш билән бирликтә, һәтта тәрәққият вә хәлқ турмушини яхшилаштиму, әбәдий әминликкә пайдилиқ болуш-болмаслиқиниң нәзәрдә тутулуши керәкликини ашкара тәкитлигән.

Обзорда дейилишичә ши җинпиң мундақ дегән: “.... Иқтисадни раваҗландуруш, хәлқ турмушини яхшилаш, милләт вә дин, шинҗаңға нишанлиқ ярдәм бериш... Қатарлиқларниң һәммиси баш нишанни зич чөридәп пиланлиниши керәк”.

У йәнә ашкара һалда, бу ишлар “иҗтимаий муқимлиқ вә әбәдий әминликкә пайдилиқ болидикән, уни қәтий қилиш; пайдисиз болидикән уни қәтий қилмаслиқ керәк” дегән.

Ши җинпиңниң бу сөзлири уйғур көзәткүчиләрниң йәнә бир қетим диққитини тартти. Сиясий көзәткүчи мәмәт тохти әпәнди, чақириқ қилинған сиясәтниң йеңи әмәсликини, әмма ипадилиниш шәклиниң нисбәтән йеңилиқини оттуриға қойди. Униң баян қилишичә,“сиясәттә мәқсәтниң хәлқ турмушини яхшилаш әмәс, әбәдий әминлик икәнликини тәкитләш, һакимийәтниң мустәмликичи тәбиитини ашкара базарға селиштин башқа нәрсә әмәс.”

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт